Innholdsfortegnelse for 22 January 2026 i Huisgenoot

1 ‘MY KINDERS IS MY GROOTSTE GESKENK’ Niks kon haar gelukkiger maak as om die feestyd saam met haar ma en drie kinders deur te bring nie, sê die aktrise Angelique Gerber Jy is ’n sterk en pragtige vrou wat haar nie laat onderkry deur ander mense se menings nie. Jy doen ook altyd net jou beste. Om ’n enkelouer te wees is nie maklik nie, dis dubbel die stres. Baie sterkte vir 2026. MARIE Jy is ’n pragtige, hardwerkende vrou en toegewyde ouer. Kyk maar net hoe straal jou kinders. Die regte man sal oor jou pad kom wanneer die tyd ryp is. Wie weet watter geleenthede en romanse die nuwe jaar vir jou gaan bring. ANNIE Jy is ’n waardige en baie besige mamma, Angelique, en die Here is…

‘TOT die dood ons skei.” Dis nie die woorde wat jy wil hoor wanneer die man met wie jy meer as 20 jaar van jou lewe gedeel het, woede in sy oë het en ’n vlambare vloeistof oor jou uitgooi nie. Tog is dit wat Danielle Ephraim (43) moes hoor – sekondes voor haar eksman, Ryland Nyman, haar einde Oktober 2024 aan die brand gesteek het. “Hy’t vir my pa gesê: Uncle Johan, dis tot die dood ons skei.” Vandag vertel Danielle haar storie, haar gesig en lyf steeds gemerk deur ernstige brandwonde. Ironies genoeg doen sy dit op Ryland se 43ste verjaardag. Oor die jare, vertel sy, het haar huwelik stadig verbrokkel. Daar was dwelmgebruik, jaloesie, emosionele mishandeling en dreigemente. “Hy’t jare lank tik gebruik,” sê sy. “Later het…

WAT BEPLAN JY VIR 2026? Tyd staan vir niemand stil nie, lui die bekende spreekwoord. Die afgelope jaar het baie, baie vinnig verbygevlieg. Soos baie lesers het ek groot planne gehad vir 2025. Hoeveel daarvan het waar geword, wonder jy. Nie een nie! Niks, niekies, zilch, nada. Daar was niks verkeerd met my beplanning of my begroting nie, die avonture het gewag. Maar toe trap my ma skeef by haar huis en met die val breek sy haar heup sommer op twee plekke. Ek hoef nie te verduidelik watter sorg dit verg om ’n bedlêende persoon te help nie. Gelukkig is daar nou nege maande verby en ons is waar sy met ’n loopraam beweeg en vir kuiers na familie kan gaan. Hierdie jaar gaan ek maar weer probeer om…

SKITTERDINGE EN SKOELOELOE DEUR SELWYN MILBORROW. ILLUSTRASIES: NATALIE EN TAMSIN HINRICHSEN. Best Books, R188* Zandi beland in die Laerskool Bloemendal nadat haar ma uit Windhoek Suid-Afrika toe verplaas is. Sy is maar skrikkerig vir die vreemde, want al praat sy Afrikaans, klink dit anders as die Afrikaans wat die kinders hier praat. Voor hulle vertrek het, het haar ouma vir haar ’n baie spesiale armband gegee en ook gesê as die kinders dink sy is vreemd, moet sy hulle van haar Herero- stories vertel. Die eerste dag gaan dit goed in haar nuwe skool en word sy genooi om saam met ’n klompie kinders skoeloeloe te speel. Maar ongelukkig loop sy gou-gou deur onder boelies toe sy die eerste keer haar hare vleg soos ouma Kovii dit altyd vir haar…

MISPLAASTE FILOSOFIE “Ek het my so vervies,” sê Koos vir sy drinkebroers, “toe ’n ou vir my sê: ‘Toemaar, as die een deur toegaan, gaan ’n ander deur oop.’ ” “Maar hoekom dan, dit klink baie wys,” vra Piet. “Want hy’s die ou by die motorherstelwinkel!” antwoord Koos. Johanna Rademeyer VORDERING Op Nuwejaarsdag het ek my mos plegtig voorgeneem om vanjaar 10 kg te verloor. Goeie nuus, ek het net 12 kg om te gaan voor ek my doel bereik! L. Saayman SPEKSKIETPRAATJIES ’n Leeu, ’n gorilla en ’n hoender raak aan die spog. “Ek is so vreesaanjaend, as ek op my bors slaan, staan almal terug,” begin die gorilla. “Dis niks, as ek brul, hardloop almal weg,” laat hoor die leeu. “Ha!” kekkel die hoender, “as ek nies, is…

2025 was ’n besige, goeie jaar vir Liam Bosman – en 2026 begin net so sterk. Hy’s terug as Markus in die tweede seisoen van Een keer om die son, wat op 20 Januarie op kykNET begin. Verlede jaar was hy te sien in die Showmax-fliek Khaki Fever, wat toe die mees gestroomde Afrikaanse rolprent op Showmax nóg geword het. Hy is ook vir beste ondersteunende akteur vir sy rol in dié fliek benoem en was verder te sien in Spoorloos: Los prys. En Een keer om die son is net die begin van die 22-jarige se blink jaar op die kassie. Hy gaan binnekort ook in ’n ander nuwe kykNET-dramareeks, Die oord, te sien wees. “Ek’s baie gelukkig dat ek weer so baie werk gekry het in 2025. Maar dit…

A ANVANKLIK was dit net ’n klein knoppie aan haar slaap. Dis mos niks om oor bekommerd te wees nie, het sy en haar ouers gedink. “Het ’n bal jou teen die kop getref?” het haar ma gevra. “Het jy saam met jou vriende sokker gespeel of iets?” Maar die elfjarige Melanie Wightman kon nie onthou dat sy haar kop enige plek gestamp het nie. Om veilig te wees, het haar ma haar dokter toe gevat. En al het hy ook gesê dit lyk nie ernstig nie, het iets aan haar ma aanhou knaag. Melanie, wat in Florida in die VSA woon, het al sedert die ouderdom van drie met haar oë gesukkel nadat ’n niekwaadaardige sist in haar regteroog gegroei het. Dis ’n paar keer verwyder, maar het elke…

NOG voor ons slawe van ons fone geword het, was daar dié verslawende dingetjie – ’n digitale troeteldier wat jy moet kos gee, skoonmaak en versorg om hom aan die lewe te hou. En so is die eerste generasie kinders gebore wat elke paar minute obsessief na ’n skermpie geloer het. Dis eers afgeskryf as ’n gier wat nie lank sal hou nie, en ja, daar was hoogte-en laagtepunte. Maar 30 jaar later staan die Tamagotchi nog sterk – soveel dat dit onlangs saam met ander legendariese speelgoed soos Lego, die yo-yo en die Rubik’s Cube aangewys is as een van die blywendste speelgoed in die geskiedenis. Die speelding se 30ste verjaardag word wêreldwyd gevier – en niemand is meer verbaas oor sy sukses as sy Japannese skeppers, Akihiro Yokoi…

CAITLIN MCLAREN (30) Toerisme, Gauteng Caitlin se liefdestaal is konneksie. “Om ware kwaliteittyd saam deur te bring, nabyheid deur aanraking te voel, en die klein dade van diens wat moeite en sorg toon.” Sy is al vier jaar enkellopend en wou “iets nuuts probeer”, sê sy. Hoekom sal sy Ruan se beste pasmaat wees? “Want ek is hot en ek kan hom met my goeie sin vir humor vermaak!” BEJANKE NEL (32) Entrepreneur, Mpumalanga “Ek is ’n baie aanpasbare persoon,” sê Bejanke. “Ek is altyd daar om te luister. Ek weet wat die regte balans is tussen ondersteuning en om ruimte te gee as hy dit nodig het.” Haar liefdestaal is aanraking en sy’s ’n rustige siel met ’n groot avontuurlus. Hoekom Ruan? “Daar was net iets aan hom wat…

DIE donkerkopvrou agter die mikrofoon glimlag bekoorlik, maar met elke woord drup die sarkasme behoorlik oor haar lippe: You’re so vain, I bet you think this song is about you, don’t you, don’t you . . . Carly Simon se ikoniese treffer van 1972 is nie jou gewone breakup song nie. Dis ’n musikale snotklap wat al tallose vroue se gevoelens oor narsistiese pierewaaiers en rokjagters verwoord het. En dekades later wonder aanhangers nog wie sy nou eintlik met “You’re So Vain” wou bykom. Tog het Carly, gebore in New York op 25 Junie 1943, nie altyd so ’n sterk stem gehad nie. As bloedjong kind het sy ’n erge hakkelprobleem gehad. Toe sê haar ma sy moet eerder sing wat sy wil sê: “Ek het met my hand op…

Wanneer en waar was jy op jou gelukkigste? Die oomblik toe my vrou, Marlene, ja sê. Wat sou jy anders doen as jy jou lewe kon oorhê? Ek sou waarskynlik altyd my passie gevolg het, maar as ek nie het nie, dalk iets soos opknappings. Dis my gunstelingtydverdryf. Wat is die ding wat jy die meeste in mense bewonder? Mense se deursettingsvermoë. Ons mense is sterk. Wie sou jy die graagste vir ete wou nooi en wat sou jy vir ete maak? Die skrywer Simon Sinek. Sy boek Start with Why het my lewe verander. Ek sal my bekende garnaaldis maak. Wat kan jy nie verduur nie? Korrupsie. Wie is of was die liefde van jou lewe? My vrou, Marlene. Wie of wat sou jy in jou vol gende lewe wou wees?…

WATERDRAER 21 JANUARIE – 18 FEBRUARIE Of jy daarvan hou of nie, jy is tans die ster van die kosmiese skouspel, met vyf planete wat deur jou teken beweeg. Die jongste om dit te doen is Mars, wat hom op die 23ste in jou teken vestig en ’n gevoel van dringendheid meebring. Om diep te delf is noodsaaklik onder die kragtige invloed van Pluto. Beskou jouself as iemand wat deur ’n transformasie gaan. VISSE 19 FEB – 20 MRT Dit voel asof jy in ’n vreemde tyd leef. Neptunus, die groot kulkunstenaar, verlaat jou sterreteken op die 26ste. Dit beteken die einde van ’n tydperk van 15 jaar van leer en probeer, met talle ontnugterings en teleurstellings. Jy verdien ’n blaaskans, maar dinge bly in jou onderbewuste en sal snags…

MUSIEK TYLA ‘CHANEL’ Binne drie jaar het Suid-Afrika se eie Tyla ’n superster geword. Byna elke liedjie wat sy tans uitreik, word ’n reusetreffer. Dink net aan haar deurbraakliedjie, “Water”, wat al meer as 300 miljoen keer op YouTube gekyk is. En moenie vergeet van “Push 2 Start” en “Truth or Dare” nie. Albei liedjies het verskeie trefferlyste geklim en ’n MTV Afrobeats-prys gewen. Haar nuutste nommertjie, “Chanel”, wat sy kort voor die somervakansie uitgereik het, is nou nog soos hulle in Engels sê ’n banger wat lank nog op almal se sosiale media gaan voortboer saam met die gewilde danstrend. “Hierdie liedjie is baie spesiaal vir my,” sê Tyla. “Dit gaan nie net oor om bederf te word en behandel te word soos wat jy werd is nie, maar…

FOTOBLOKRAAI NO 2378 KOMPETISIEVRAAG Watter studierigting is ter sprake? As jy vashaak, kan jy gerus ander lesers se raad vra op ons Facebookblad met die naam Huisgenoot-Blokraaie. WEN ’N BOEK VAN QUEILLERIE Hierdie week wen een leser Die dood van Rachel April deur P.P. Fourie (Queillerie, R350). Rachel April se lyk word gevind met ’n steekwond in haar hart. Lesea du Plessis, wat saam met Rachel ’n meesterstudent by die Universiteit van die Vrystaat was, stel ondersoek in. Sy gaan nie toelaat dat die polisie dié saak beduiwel soos die een ná haar ouers se moord nie. Lesea het Rachel se dogtertjie belowe sy sal uitvind wat met haar ma gebeur het. Dit blyk dat Rachel tydens haar internskap by die Anglo-Boereoorlogmuseum iets ontdek het. Maar wat? En hoekom sou…

AS JY al ooit in ’n vliegtuig deur die wolke gevlieg het, weet jy hoe vreemd dit voel om op die wolke af te kyk. Stel jou nou voor jy kan dit uit jou sitkamer of slaapkamer doen. Dit klink onmoontlik, maar daar is woonstelle in die Burj Khalifa-gebou in Dubai wat só hoog is dat hulle dikwels bo die wolke is. Die Burj Khalifa is amptelik die hoogste gebou in die wêreld. Dit strek baie ver die lug in. Die gebou is vernoem na die voormalige heerser van Abu Dhabi sjeik Khalifa bin Zayed Al Nahyan. Hy het ge- help om geld vir die toring te voorsien. Die blink gebou lyk ’n bietjie soos ’n vuurpyl en is vandag een van die bekendste geboue in die wêreld. DIE HOOGSTE…

‘MENS besef nie hoe belangrik jou onafhanklikheid is tot dit van jou ontneem word nie. Glo my, ek weet. Ek was voor die ongeluk ’n baie avontuurlustige ou gewees. Ek het naweke krieket gespeel, gereeld gaan kamp en ek het ’n gesonde sosiale lewe gehad. Ek het ook in verskeie bands baskitaar gespeel – enigiets van cover bands, kerkgroepe tot boereorkeste. Baie naweke het ek sommer ook net die pad gevat met my motorfiets. Ek was nog nooit iemand wat vir te lank stil kon sit nie. Die ongeluk het dit alles tot stilstand geruk. Dit was die aand van 21 November 2017. Ek en ’n paar vriende het uitgegaan vir ete en ná die tyd was ons Emperors Palace toe. Dit het begin laat raak en ek het besluit…

VIR so lank as wat hulle kan onthou, was kos maak Dirk van der Westhuizen en sy ma, Hanna, se gedeelde passie. Kleintyd op die plaas in die Kamdeboo was sy ouboet Danie altyd êrens saam met hulle pa terwyl Dirk sy ma in die kombuis gehelp het. Hy’t die koeksisterstroop geroer, later die goudbruin deegvlegsels uitgevis om af te koel. Koekies gesny en verpak. “Ek het my natuurlike liefde vir kos maak van my ma geërf. My broer was ’n buitemens, terwyl ek altyd binnenshuis tyd saam met my ma deurgebring het,” sê Dirk (29). “Ek glo jy word gebore met ’n liefde vir kos, maar sekere mense kom op jou pad wat jou daardie spark gee. En dit was sy vir my.” Tot die groot vreugde van menige…

DIS soms moeilik om die mens wat sy eens was te onthou. Die destydse Angelina Jolie het gehou daarvan om mense te skok. Sy’t van haar eksman se bloed in ’n hangertjie om haar nek gedra en so vreesloos opgetree dat ’n mens amper vir haar bang was. Maar vandag het die wêreld ’n heel ander prentjie van dié aktrise. Sy’s ’n toegewyde ma, sy doen opheffingswerk reg oor die wêreld, en sy herinner mense gereeld aan die moeilike pad wat sy en soveel ander vroue met kanker moes stap. Angie (50) was onlangs op die voorblad van Time se Franse uitgawe, met ’n hand oor haar bors, en die littekens van haar 2013-mastektomie liggies sigbaar. “Ek deel hierdie littekens met baie vroue wat ek liefhet, en dit roer my…

DIS nie maklik om vriende te maak nie, wat nog te sê as jy ’n nuwe ma is wat met ander ma’s oor swangerskap en ouerskap wil praat. In 2020, toe ASHLEY TISDALE tydens die pandemie swanger geraak het, het sy ’n groep vroue gevind by wie sy aanklank gevind het. Dit het haar laat voel sy word raakgesien en verstaan. Maar vyf jaar later beskuldig Ashley (40) haar mamma-vriende nou openlik daarvan dat hulle toksies is in ’n essay wat sy vir The Cut geskryf het, getiteld “Breaking Up with My Toxic Mom Group”. Wat almal aan die praat het, is die feit dat die groep vroue ’n paar bekende gesigte insluit – die aktrises Mandy Moore (41) en Hilary Duff (38), asook die sangeres Meghan Trainor (32). “Waarom,…

In die tyd van Vroeë Nederlands – dis voor 1150 – het die woord gibūr in die ooste van die taalgebied verwys na jou mededorpsbewoners. Maar jy’t hom uitgespreek “geboer”. Jou buurman, dus, was jou “boerman”. Teen Middelnederlands – 1150 tot 1500 – het die uitspraak in die westelike stede verander. “Gibūr” se ū-klank het daar die uu van “buur” aangeneem. Op die platteland het die ū-klank verander na “boere”, maar dit het steeds bure beteken. Toe gebeur die taalvoodoo. Stadsjapies en -sannies wat in die landelike gebiede gaan vakansie hou, het gehoor van al die “boermans” en “boervroue” oral waar hulle kom. En hulle het gedink dis ’n ander woord wat bloot beteken “plattelanders”. En in die stede het ons toe skielik twee woorde: “bure” en “boere”. Teen…

SOOS baie ander tweelinge kan hulle ure lank stories oor hul vinkel-en-koljander-streke vertel. Daar’s die private taal waarmee hulle as klein dogtertjies gekommunikeer het, die poetse wat hulle op hul onderwysers gebak het, die manier waarop hulle vandag nog mekaar se sinne klaarmaak. Eintlik soveel dinge, baie daarvan nog ’n geheim. Theandi Esterhuizen en Karla van der Linde (32) is immers ’n identiese tweeling – en dié susters van die Suid-Kaap kon nog al die jare lekker vir hulle eie streke lag. Nou is hulle band nog altyd so sterk dat selfs ander mense dink hulle is eintlik net een mens. Maar nou het hulle dit selfs verder gevat: Theandi en Karla het saam-saam swanger geraak en op dieselfde dag in dieselfde hospitaal aan babadogtertjies geboorte gegee. Hul hospitaalkamers was…

KAASKRUMMEL-FRANSE ROOSTERBROOD GENOEG VIR 4 MENSE / BEREIDING: 15 MIN. / GAARMAAK: 20 MIN. ROOMKAAS ◗ 125 g sagte roomkaas◗ 15 ml (1 e) gekapte grasuie◗ 30 ml (2 e) gekapte vars pietersielie◗ fyngerasperde skil van 1 suurlemoen◗ varsgemaalde peper FRANSE ROOSTER-BROOD ◗ 1 ongesnyde plaasbrood◗ 4 eiers◗ 125 ml (½ k) room◗ 60 ml (¼ k) melk◗ 15 ml (1 e) gekapte grasuie◗ ’n knippie sout olyfolie, soos nodig◗ ’n klontjie botter◗ 125 ml (½ k) gerasperde harde Italiaanse kaas OF beleë cheddar VIR AFRONDING ◗ 15 ml (1 e) olyfolie◗ 250-300 g kersietamaties◗ 5 ml (1 t) balsemieke asyn◗ vars roketblare 1 Roomkaas Meng die roomkaas, grasuie, pietersielie en suurlemoenskil goed. Geur met die peper. 2 Franse rooster brood Sny die korsies van die brood af, en sny dan…

1 KAN EK MY HUISVERBAND GEBRUIK? Ja, en die rente behoort laer as dié van ander soorte lenings te wees. ◗ Wanneer jy vir ’n nuwe huislening aansoek doen, vra dat dit sonkraginstallering insluit. Die toegestaande bedrag sal afhang van jou kredietgradering en die bank se vereistes. ◗ As jy ’n toegangsrekening het, kan jy ekstra geld wat in jou verband inbetaal is, weer onttrek. Dis ’n maklike opsie, want jy hoef nie vir ’n nuwe lening aansoek te doen nie. ◗ Soms kan jy ook meer geld teen jou bestaande verband leen. 2 HOE WERK ENERGIESPESI FIEKE LENINGS? Dit werk nes persoonlike lenings, maar is uitsluitlik vir energiestelsels. Gebruik dit vir die installering van byvoorbeeld sonpanele, omskakelaars, batterye, geisers of rugsteunstelsels. Jy kan daarvoor aansoek doen as jy die huiseienaar is…

OMDAT ek nie sommer gril vir bloed of oop wonde nie, kyk ek graag mediese reekse. My eggenoot is egter ’n ander storie – hy’s iemand wat omkap wanneer hy homself raak skeer. Ons kinders is ook mooi verdeel – twee kan bloed nie uitstaan nie, en een kyk heerlik saam met my na al die grillerigste van reekse – van BONES en WALKING DEAD tot DEXTER en THE BOYS. Soms vergeet ek bietjie dat ander mense sensitief kan wees vir sulke dinge. Ek sal iets aanbeveel en dan later besef dis totaal nie gepas nie. Ek het byvoorbeeld destyds GAME OF THRONES se eerste twee seisoene hoog aanbeveel vir vriende en familie, en toe my eie gesin dit begin kyk, besef dat dit eintlik regtig net vir volwassenes is,…

1 Hoeveel lewens het katte volgens die spreekwoord? 2 Watter dier is Kaa in The Jungle Book? 3 In watter land vind vanjaar se Olimpiese Winterspele plaas? 4 Watter rivier in Afrika is die wêreld se diepste? 5 In watter stad speel One Hundred and One Dalmatians af? ANTWOORDE 1 Nege 2 Slang 3 Italië 4 DieKongorivier 5 Londen BRONNE MONGABAY.COM, THEGUARDIAN.COM, BBC.CO.UK, LIVESCIENCE.COM, TIME-OUT.COM, POLARJOURNAL.NET, NHM.AC.UK, WIKIPEDIA.COM, STUFF.CO.NZ, BBC.COM, POLARBEARSINTERNATIONAL.ORG, BRITANNICA.COM, KIDS.BRITANNICA.COM, ETYMONLINE.COM…

SY JEANS sak af, sy pruik loer onder sy hoed uit en sy gesig lyk asof – hoe sal jy dit nou mooi stel? – sy plastiese chirurg se hand geglip het. Dis moeilik om te glo Mickey Rourke was op sy dag ’n smeulende hartebreker, die argetipiese aantreklike stoutseun. Dis geen nuwe verwikkeling dat Mickey al hoe meer voos lyk elke keer wanneer die paparazzi hom afneem nie. Nou lyk dit asof sy lewe ’n allerlaagste laagtepunt bereik het nadat hy weens agterstallige huur uit sy huis geskop en haweloos gelaat is. Die 73-jarge ster van 9½ Weeks en Angel Heart was ’n prentjie van verwesenheid toe hy sy doodgewone huisie in Los Angeles verlaat met sy hond in sy arms en sy besittings in swart plastieksakke. Die eienaar…