Innholdsfortegnelse for 24 July 2025 i Huisgenoot

ONS het by twee verskillende Wes-Kaapse takke van ’n huurmotormaatskappy gewerk. Elke keer as ek die foon opgetel het om hom te bel, kon ek nie help om te glimlag nie. Ek was nuut in my pos en hy het my altyd met geduld en ’n paar grappies gehelp. Ons het mekaar maande later vir die eerste keer in lewende lywe ontmoet. Hy’t hierdie welige swart baard gehad en was pragtig. Ek sou vir drie jaar daarna ’n crush hê op die man wat almal om hom kon laat lag. Sien, Werner is ’n grapgat en vol energie. Hy sou by werksfunksies sommer laf dans asof hy nie omgee wié kyk nie. Elke keer as ek hom gesien het, was daar vlinders in my maag. In die stilligheid het ek…

DIT gaan gesellig buite in die laatmiddagson, maar Chris Storm se aandag is op die toneel wat hy deur die sitkamervenster sien. Binne stap ’n gespierde man op en af. Duidelik gespanne. Hy maak sy vuiste oop en toe, oop en toe. Chris vergeet van die ander braaigaste en die glasie rooiwyn in sy hand. Want die man daar binne is die Springbok-held James Small. Hy’s in ’n verhouding met Chris se dogter, Christina. En dié man skroom glo nie om sy vuiste te bal wanneer daar ’n rusie is nie. Ook nie wanneer dit by sy dogter kom nie, lê dit die koerante vol. Toe kom fluister Christina in haar pa se oor dat James met hom wil praat. Wat volgende gebeur het, sê Chris ’n kwarteeu later aan…

’NONSKULDIGE ete. Sondagkos. Bief Wellington met aartappels en groenbone. Heilsame trooskos. Maar in die sagte skilferkors om die vleis skuil ’n moordenaar. En ná dié maaltyd sou drie mense morsdood wees, nog een moes veg vir sy lewe, en Australië en die wêreld sou hulle verkyk aan opskrifte oor die “mushroom murders”. Want so waar as paddastoel manel dra, hierdie verhaal gaan nog ’n fliek word. Nie veel verbeelding is nodig om hierdie horribale hoorspel in ’n dramatiese baadjie te klee nie. Die hoofkarakter op die verhoog is die 51-jarige Erin Patterson. Met ’n tikkie duiwelsbrood – die sampioen met die gepaste Engelse naam “death cap” – het sy die bief gedokter en ontslae geraak van haar skoonouers, Gail en Donald Patterson, asook Gail se suster, Heather Wilkinson. Heather se…

KRY DIT HIER BASH.COM; CAPE UNION MART 0860-333-329; COTTON ON 087-550-4383; DESRAY.CO.ZA; FOSCHINI 0860-834-834; H&M 0860-690-707; JET 0860-834-834; OLD KHAKI 0860-333-329; PICK N PAY CLOTHING 0860-303-030; SUPERBALIST.COM; TRUWORTHS 021-460-2300; WOOLWORTHS 0860-022-002; ZARA.COM HOEWEL ONS ALLES IN ONS VERMOË DOEN OM KORREKTE PRYSE TE VERSKAF, KAN FOUTE VOORKOM WAARVOOR HUISGENOOT EN DIE VERSKAFFERS NIE VERANTWOORDELIK GEHOU KAN WORD NIE.…

REEKS THE SECRET LIVES OF MORMON WIVES Moenie dink omdat hierdie ’n bietjie trashy is, dit nie vir jou is nie. Iets van hierdie realiteitsreeks oor Mormoonse vroue en hoe die reeks aanmekaar gesit is, sal jou laat kettingkyk en dan na jou foon laat gryp om hulle TikTok-video’s te gaan soek. Ja, dis belaglik, over the top, en so belaai met drama dat jy vies gaan wees vir jouself omdat jy dit in jou lewe toelaat – maar jy gaan definitief nie wil ophou kyk nie. Die eerste seisoen het verlede jaar begin en gaan oor die “momfluencers” wat #MomTok begin het – almal vroue in die Mormoonse geloof wat die persepsies daarvan uitdaag. Die reeks het ontstaan nadat lede van #MomTok in ’n seksskandaal betrokke was – een…

SEINE OOP VIR PUBLIEK OM TE SWEM Vir die eerste keer in 123 jaar kan mense weer in die Seinerivier in Parys swem. Dit is moontlik nadat die rivier skoongemaak is in die aanloop tot verlede jaar se Olimpiese Spele. Daar is drie plekke waar mense kan swem, en afhangend van waar jy gaan, moet jy of 10 of 14 jaar en ouer wees om te kan swem. Daar is ook aantrekhokkies, storte en strandmeubels waar 300 mense kan lê en uitspan. REKORDSEISOEN VIR VIS-DEURKLOKKIE Vyf jaar nadat dit die eerste keer gebruik is, is Utrecht se nou beroemde vis-deurklokkie vanjaar 200 000 keer gelui. ’n Kamera is by die deurgang na die kanale van Utrecht geïnstalleer wat mense regstreeks kan volg. Wanneer hulle visse by die slot sien, kan…

Antarktika is een van die koudste plekke op Aarde en hou ook die rekord vir die koudste temperatuur wat nog ooit waargeneem is. Op 21 Julie 1983 het grondsensors by Rusland se Vostok-stasie daar ’n temperatuur van -89,2 °C gemeet. Antarktika is in die Suidelike Halfrond, en het dus winter in Junie, Julie en Augustus. Dit is baie koud omdat dit by die Suidpool geleë is. Die kontinent is dan bykans heeltemal donker en daar is nie genoeg sonlig om warm weer te bring nie. Dit dra by tot die nog kouer weer. Antarktika is ook vol valleie wat droog, dig en koud is. Die Vostokstasie is ook ver weg van die oseaan af. Die temperatuur van Julie 1983 word as die amptelike rekord erken omdat dit deur termometers op…

IN DIE lente van 2021 het Dean Bartle die vloer van sy vertoonlokaal vir Porsches en Ferrari’s naby die dorpie Church Fenton in Yorkshire gemop. Sy onderneming, DMB Collection, se agterkant grens aan die Leeds East-lughawe. Toe hy opkyk, het ’n blinkswart helikopter sy oog gevang. Die voorste passasier, ’n Amerikaner, het gebulder: “Hei man, waarvoor staan DMB?” Die son was helder, die man se figuur ’n silhoeët, en sy gesig met ’n vlieëniersbril en covidmasker bedek – dit was aan die stertkant van die pandemie. Dean het gesê dis maar net sy voorletters. Maar hy het bygevoeg dat aangesien hy daarteen gewaarsku is om ’n vertoonlokaal te begin, sê party mense dit staan vir “Dean’s Massive Balls”. Die Amerikaner het wild gelag. Dit was Tom Cruise. “Hy was langer…

DIE videotonele wys jong meisies wat sport speel, dans of aan die etenstafel sing. Sorgeloos en vrolik, soos dit hoort op vakansiekampe. Maar net ure later tref die bruin watermuur hulle slaaphutte en eis die lewens van 25 kinders en twee toesighouers. En skielik is Camp Mystic ’n plek van dood en rou. Net die video’s bly oor om te getuig van die prettige tye voor die Guadalupe-rivier bruisend oor sy walle gestoot het. Teen ons druktyd was die dodetal weens Texas se verskriklike vloede reeds meer as 130. En steeds is daar na nóg vermistes onder die puin gesoek. Lugfoto’s wys hoe die water soos ’n reusehand alles uit die pad gevee het. Tragiese stories is daar baie, maar min van hulle ruk jou so aan die hart soos…

SY HET al heelwat bloutjies geloop met die liefde, so mens kan verstaan dat Jennifer Aniston vir ’n hele ruk lank eerder nie in ’n verhouding was nie. Maar dit lyk of tyd genesing gebring het, en as die skinderstories waar is, gaan Jen (56) deesdae uit met ’n aantreklike lewensafrigter en hipnoterapeut, Jim Curtis (49). ’n Bron het aan Us Weekly gesê Jen en Jim is aan mekaar voorgestel deur vriende, en het eers net lekker gekuier voor dinge romanties begin raak het. “Hulle is gelukkig en mal oor mekaar. Hulle bring baie tyd saam deur, maar hou dit baie privaat by haar huis in Los Angeles,” sê die bron. “Dis baie kalm en Zen. Iets waarvan Jen nog altyd gehou het. Hulle pas eintlik baie goed by mekaar.”…

DIS al amper vier jaar sedert Wilbur Smith dood is, maar sy teenwoordigheid is steeds in elke hoek van hul luukse huis in Kaapstad sigbaar. Sy werkkamer lyk presies soos toe hy laas daar gesit het. Oral staan reuseportrette van hom met hope Afrika-blomme, veral strelitzias – sy gunsteling. “Dis nog steeds moeilik om oor hom te praat,” sê sy vrou, Niso (55), met trane in haar oë. Dis haar eerste onderhoud sedert sy dood in 2021, toe Wilbur 88 was. “Hy het altyd die praatwerk gedoen. Ek was maar op die kantlyn.” Wilbur se dood het haar van die kantlyn af geruk. En dit was aanvanklik vreesaanjaend, maar later ook goed, want nadat hy weg is, het sy ’n nuwe rol aangeneem: bewaarder van sy nalatenskap. “Ernest Hemingway se…

AS JONG meisies het hulle meer as ’n duisend kilometer van mekaar af grootgeword. Een aan die kus, die ander op die Hoëveld. Salig onbewus van mekaar se bestaan. Maar een ding het hulle in gemeen gehad: In ’n tyd toe krieketvelde nog ’n manswêreld was, het hulle al gewoond geraak aan die gevoel van daardie ronde bal in die hand. Hoe om jou vingers te plaas en jou gewrig te draai om teenstanders na wind te laat slaan. As kind in Gqeberha het sy allerhande soorte sport gedoen, sê Marizanne Kapp vandag. “Swem, netbal, tweekamp, driekamp . . .” Maar sy was op haar gelukkigste wanneer sy tuis saam met haar neefs en seunsvriende kon kolf en boul. Dané van Niekerk het in ’n sportmal huis in Pretoria grootgeword.…

DAAR sal altyd plek vir lyfroom wees, maar lyfolies word ook ál gewilder. Dis nie net ’n basiese bron van vog nie, dis iets wat vog in die vel vasvang en sorg vir ’n gesonde gloed. Dit versag ook die teks tuur van die vel en help selfs met spesifieke probleme soos selluliet, rekmerke en droë vel. Daar is ’n lyfolie wat perfek is vir jou, of jy nou vir ’n spesiale geleentheid wil straal, of daaglikse, langdurige voeding soek. HOEKOM IS LYFOLIES SO GEWILD? Anders as watergebaseerde room, is lyfolies gewoonlik meer gekonsentreerd en propvol voedingstowwe wat goed is vir jou vel, soos noodsaaklike vetsure, antioksidante en vitamiene. Dis spesiaal saamgestel om op die oppervlak van die vel te bly sit, waar dit ’n beskermende laag vorm wat vog…

DRIE jaar gelede het Jefferson Fisher ’n kort video op Instagram geplaas oor hoe om soos ’n prokureur te argumenteer. Vandag het hy meer as 12 miljoen volgelinge op sosiale media en is hy gesog as spreker oor goeie kommunikasie. In sy nuwe boek, The Next Conversation: Argue Less, Talk More, gee dié prokureur van Texas praktiese raad oor hoe om kommunikasie te verbeter en argumente te verminder. In hierdie uittreksel verduidelik hy hoe om stilte – pouses – te gebruik om beheer van gesprekke te neem en ’n konstruktiewe uitkoms te verkry. ‘Wanneer jy angstig, bang of ontsteld is, praat jy vinniger of stadiger? Jy praat vinniger. Jou verhoogde hartklop versnel jou denkprosesse en berei jou voor vir vinnige reaksies. Jou gedagtes begin vinniger beweeg as wat jou mond…

REEKS Hy speel gewoonlik die randfiguur, maar in hierdie misdaadriller wys MATTHEW GOODE dat hy die hoofrol verdien. Die nuwe Britse misdaadreeks op Netflix, Dept. Q, is ’n donker en boeiende verwerking van die Deense skrywer Jussi Adler-Olsen se topverkoper Nordic Noir-boeke. In die reeks word die verhaal verskuif van Kopenhagen na Edinburgh, Skotland – daar word nou tong-indie-kies na die reeks se styl verwys as “tartan noir”. Dis vir televisie verwerk deur Chandni Lakhani en Scott Frank, bekend vir die hoogs gewilde The Queen’s Gambit. Die verhaal gaan oor speur-inspekteur Carl Morck (Goode) – ’n briljante polisieman, maar ’n slegte kollega. Sy sarkasme en beledigings maak dat hy min vriende het in Edinburgh se polisiestasie. Ná ’n skietvoorval wat ’n jong polisieman dood en Carl se enigste vriend by…

ASEMROWEND FRANCOIS BOYCE & LEKKER CREW Die gospel-liedjie “My Pa is die Koning” deur Leon Ferreira word op Sondae deur talle kinders in kinderkerke gesing. Met sy goedvoel-lirieke het dit vir vele jong gelowiges rigting gegee. Toe Leon vroeër vanjaar die skokdiagnose van prostaatkanker ontvang, het hy as sanger ook rigtingloos gevoel. Ter ondersteuning het die radio-omroeper en sanger FRANCOIS BOYCE ’n musikale geloofstap geneem deur Leon se lied “Asemrowend” saam met die evangelistiese ensemble Lekker Crew op te neem. Die Grammybenoemde vervaardiger Neville D het dit vervaardig. “Die woorde het my hart geraak en beskryf presies hoe ek self God beleef,” sê Francois. “Uit ’n musikale oogpunt gaan sit die melodie in jou kop vas en ’n mens kry dit nie uit nie.” Die inleiding begin eenvoudig maar treffend.…

1985 Hierdie epiese, donker fantasie van Ridley Scott het Tom Cruise die eerste keer Brittanje toe gelok. Dis ’n uitspattige gruwelfliek met duiwels en eenhorings. Die ster se volgende fliek was Top Gun. 1994 Tom en Brad Pitt het hulle sterkrag verleen aan hierdie verwerking van Anne Rice se vampierroman. Die Ierse regisseur Neil Jordan het dit grootliks by Pinewood Studios in Buckinghamshire, Engeland, geskiet. 1999 Tom en sy destydse vrou, Nicole Kidman, gaan op ’n seksuele reis in Stanley Kubrick se fliek. Dis op verskeie plekke in Engeland geskiet weens die regisseur se vrees vir vlieg. 2014 Leavesden Studios, Devon, Londen – Tom en Emily Blunt se wetenskapsfiksieriller wat in die tyd rondspring en jou brein deurmekaarkrap het aanvanklik nie genoeg erkenning gekry nie. 2018 Dis die beste van…

HET jy al die storie gehoor van die jong man van Porterville wat lank terug onder die wiele van ’n yslike vragmotor beland het? Baie mense in dié geweste ken dit. Hy was maar 17, sê hulle. Daardie metaalgedierte het hom plat, plat, plat getrap. Hy moes dood gewees het, sê party. Hy hét gesterf, vertel ander jou. Maar toe begin hy weer lewe. Drie dekades lank gryp die ongeluk van daardie herfsmiddag in 1992 en ’n wonderwerk-oorlewing ’n gemeenskap aan. Dit was die laaste dag van die skoolkwartaal Barend Liebenberg het op sy fiets geklim, op pad om iets by sy pa se werkplek te gaan haal. In die hoofstraat, sê Barend vandag hier by sy huis op Malmesbury, het hy bewus geword van die groot trok agter hom.…

EERS DIE KROON, TOE DIE RING Sy’s dalk gewoond aan BLINKGOED, maar dié een aan haar vinger is meer spesiaal as al die ander: dis HAAR VERLOOFRING, en daarmee saam kom ’n hele nuwe hoofstuk IS DAAR iets soos genoeg edelstene? Vra jy vir Mia le Roux, is die antwoord daarop waarskynlik nee. Daar’s die kroon op haar kop – ’n blink gedoente vol diamante en ander steentjies. Daar’s die glinster in haar ore en ’n hele spul van hulle op haar rok. Net een van hulle is mooier as al die res: Die groen edelsteen aan haar vinger. Mia, wat binnekort haar jaar as Mej. SA voltooi, het onlangs aan Luke ten Oever verloof geraak. Sy het hulle verlowing met die mooiste foto’s op Facebook bekendgemaak. “Ek het ’n…

IS vir haar wat almal wou sien. Dis nou buiten die tennisspelers, natuurlik. DEn Catherine het nie teleurgestel nie. Die prinses van Wallis het verlede week ’n grasieuse en emosionele terugkeer na Wimbledon gemaak terwyl sy nog van haar siekte herstel. Met haar eerste verskyning, by die eindstryd van die vroue-enkelspel, het die verheugde skare haar staande toegejuig. Dit het mens laat dink aan verlede jaar toe sy die tennistoernooi gekies het vir haar eerste verskyning op haar eie nadat sy in Maart bekendgemaak het sy het kanker. Kate, sedert 2016 die beskermvrou van die All England Lawn and Tennis Club, was duidelik aangedaan terwyl sy die liefdevolle reaksie op die hoofbaan ingeneem het. “Wat ’n verskil maak ’n jaar nie. Sy’t selfs dieper in die land se harte ingekruip…

DIE 43 meter lange luukse jag dobber op die stil en deurskynende seewater. Die bries is warm. ’n Bedompigheid lê reeds van vroegmôre af oor die eiland. Buite strek die pynappelplantasies so ver as wat die oog kan sien. Die ongeskonde strande lê langs kristalhelder water. Eindeloos. Toeriste en inwoners begin vroeg roer. Hulle snorkel, swem, duik, vang vis of lê op die strand by Eleuthera. Dié eiland met sy Griekse naam wat “vryheid” beteken, is so 80 km van Nassau, die hoofstad van die Bahamas. Dis ’n gereelde stopplek vir superluukse seiljagte en plesierbote. Op die oggend van 3 Julie begin die bemanning aan boord van die Far From It gereedmaak vir nog ’n nuwe dag. Op dié jag ken die gaste van bederf. Hulle betaal $140 000 (R2,5 miljoen)…

WAS daar in die verlede ’n ander man wat sy hemp so dikwels vir die kamera moes laat waai? Dalk, dalk nie. Wie sal regtig weet? Dis die jaar 2003 en op televisie verskyn die donkerkopman met so ’n fris, bruingebrande bolyf. Hy’t sulke heldergroen oë en ’n Namibiese bry. In die Big Brother Africa-huis word Stefan Ludik, toe maar 22, gou bekend as ’n ondeunde poetsbakker. Maar dis daardie lyf waaroor almal praat, en oor daardie oë wat so ’n bars kan kyk. Stefan is gou die gewildste onder die lot deelnemers, maar hy kry op dag 98 die trekpas in dié werklikheidsreeks waar ’n spul deelnemers afgesonder van die wêreld saam in ’n huis moet bly en die een ná die ander uitstemproses moet oorleef. Almal huil hulle…

‘ ALMAL vergeet somshulle troudag. ”Delia gee vir Tiaan sy koffie in een van sy gunsteling-Delft-koppies aan. Swart en bitter, nes hy daarvan hou. Sy knipoog. “Ek sou nie daaroor stres as ek jy is nie.” Tiaan stap met sy koppie na die stoep van hul kantoor in ’n gerestoureerde Victoriaanse huis in Oranjezicht. Op die kop tienuur, winter en somer, tuur hy uit oor die trendy buurt in die Kaapse stadskom met Leeukop in die agtergrond. Delia staan haar baas so en kyk. In die aandelewêreld staan Tiaan le Roux bekend as Killer, ’n kwylende snuffelhond op die spoor van kokaïen. Hy mis nooit ’n deal nie. Maak nie saak oor wie hy in die proses moet trap nie. Wie nie waag nie, wen nie, sê hy altyd. Hy…

AKSIE DRIE FBI-REEKSE BEGIN DIÉ WEEK Aanhangers van FBI en sy twee splinterreekse kan regskuif hierdie winter vir ’n groot bederf FBI Hierdie vinnige drama deur die Emmy-bekroonde Dick Wolf en die span agter die Law & Order-franchise gaan oor die binnewerking van die FBI se New York-kantoor. Hierdie elite-eenheid span al hulle talente en tegniese kundigheid in op groot sake om New York en die land veilig te hou. Spesiale agent Maggie Bell (Missy Peregrym) en haar spanmaat, spesiale agent Omar Adom “OA” Zidan (Zeeko Zaki), is aan die voorpunt van die aksie, met Isobel Castille (Alana de la Garza) en Jubal Valentine (Jeremy Sisto) in bevel van die senuweesentrum van die kantoor. In seisoen sewe gaan die span voort om groot sake te ondersoek, soos terrorisme, georganiseerde misdaad…

ARGEOLOË het ontdek dat Neandertalmense, wat honderde duisende jare gelede geleef het, beendere gebruik het om vet daaruit te kry – en dit dan geëet het. Dié nuwe navorsing wys hulle het bene van groot diere soos perde en takbokke opgebreek en fyngekap om by die murg en vet uit te kom. Dis nie sommer net raaiwerk nie – wetenskaplikes het meer as 120 000 beenstukkies en 16 000 stukke gereedskap by ’n plek in Duitsland gevind. Die terrein se naam is Neumark-Nord, en hulle glo dit was so 125 000 jaar gelede aktief gebruik. Volgens die navorsers was dit nie net ’n wilde gekap nie – daar was duidelike bewyse dat dit op ’n strategiese, georganiseerde manier gebeur het. “Dis intensief en slim gedoen,” sê Lutz Kindler van MONREPOS,…

’NNUWE verslag sê 73% van Unesco se Wêrelderfenisterreine word deur een of ander waterverwante kwessie bedreig: onder meer vloede, storms en droogtes. Ongeveer 600 erfenisterreine is in gevaar. By terreine soos die Victoriawaterval op die grens van Zambië en Zimbabwe was daar sedert 2020 vir lang tye droogte. Droogtes verhoog ook die risiko van veldbrande by erfenisterreine in Brasilië en Bolivië. Dis nie net die verlies aan hierdie terreine wat kan gebeur nie. Dit hou ook ’n bedreiging in vir mense wat daar werk en boer. Ander terreine is weer in gebiede waar vloede ál erger word, soos by die antieke stede Timboektoe in Mali en Petra in Jordanië. In 2024 het erge vloede in die Kaziranga-park in Indië tot die dood van 200 diere gelei. Dit het tien Indiese…

STAP VIR STAP 1 VOORVERHIT DIE OOND • Vra ’n grootmens om jou die oond op 65°C te help stel (dis laag en stadig!) 2 KRY DIE VRUG-TE GEREED Was die bessies. As jy aarbeie gebruik, sny die groen blaartjies af en sny die aarbeie met die messie op – vra ’n grootmens se hulp. Skil die appel, verwyder die kern en sny in skyfies. 3 MAAK SUUR-LEMOENSAP • Druk die suurlemoen uit tot jy 1 teelepel (5 ml) sap het. 4 KOOK DIE VRUGTE Plaas die vrugte, suiker en suurlemoensap in die kastrol. Vra ’n grootmens om jou te help om dit oor ’n lae hitte te laat kook. Roer tot die suiker gesmelt het. Laat prut tot die vrugte baie sag is en die mengsel dikker. Dit sal…

AL DIE eksotiese reuke wat mense begroet hier in my woonstel in Groenpunt maak my bly, want dit maak my kliënte bly. Al kan ek lankal self nie meer iets ruik nie. My kombuis is waar die dinge gebeur. So tussen die kosmaak deur. Ek volg ’n cold-press-metode om my skin-botter te maak. Nadat ek dit op die stoof gesmelt en gemeng het, gaan dit yskas toe. Die vitamien C-serum vir mans en vrouens is baie gewild. Dit vat merke in jou gesig weg. Dinge soos sonvlekkies. En dit kikker die vel op. Mense is mal oor die tekstuur, die reuk, en die feit dat daar geen chemikalieë in is nie. Dis natuurlik. My geheime bestanddeel in die serum is saffraan. Ek rasper dit saam met lemmetjie- en lemoenskil in…

HEEN en weer jaag hulle mekaar. Dis die een ongelooflike hou ná die ander. Hier ’n voorarmhou teen die lyn af, daar ’n netjies valhoutjie. En soos die bal oor die net vlieg, en die skare keer op keer na hulle asems snak, word een ding duidelik: ’n Nuwe goue tweestryd is hier. Jannik Sinner en Carlos Alcaraz het nou in twee agtereenvolgende Grand Slam-eindstryde kragte gemeet – die Franse Ope in Junie en Wimbledon vroeër dié maand. Dis die eerste keer sedert Roger Federer en Rafa Nadal in 2008 wat dieselfde twee spelers in een jaar om albei dié titels meeding. Carlos (22) het gewen op Roland Garros, maar op Wimbledon was dit Jannik (23) se beurt. So het hy gekeer dat Carlos die vyfde speler in die geskiedenis…